Lufta tregtare në prag, cfarë do të ndodhë me ekonominë e botës? Po me Shqipërinë?

Nga Aurora Sulce, Producente Ekzekutive për Biznesin në A2 CNN

Më 1 gusht hyjnë në fui tarifat tregtare që presidenti amerikan Donald Trump ka vendosur ndaj botës. Në kundërpërgjigje edhe vendet e tjera kanë shpallur të njëjtën masë, me të njëjtën ashpërsi. Por cilat janë tarifat që do të bëhen efektive për pak ditë?

Shtetet e Bashkuara të Amerikës i kanë vendosur tarifë mallrave me origjinë nga Bashkimi Europian në masën 30%. Po kaq janë edhe tarifat, që në kundër reagim, BE-ja i ka vendosur SHBA-së.

Po sa është tregtia që realizohet mes Bashkimit Europian dhe Shteteve të Bashkuara të Amerikës?

Rezulton se vendet europiane cojnë në tregjet amerikane mallra në vlerën e 600 miliardë dollarëve, ndërkohë që importojnë prej andej vetëm 370 miliardë dollarë produkte. Kjo do të thotë, një sufucit prej 230 miliardë dollarëve, ose thënë ndryshe kaq është vlera në dëm të ekonomisë amerikane.

Por sa preket ekonomia jonë nga kjo luftë tregtare? Kjo duke pasysh parasysh se ne importojmë pjesën më të madhe të mallrave e produkteve që konsumojmë në vend.

Shqipëria realizon 57.2% të tregtisë së saj me vendet e Bashkimit Euorpian, ku mbi 52% janë importe. Kjo do të thotë se vendosja e tarifave do t’i bëjë këto mallra më të shtrenjtë dhe rrjedhimisht, kjo do të pasyrohet edhe në Shqipëri, me rritje të cmimeve.

Përsa i përket tregtisë me Shtetet e Bashkuara të Amerikës, nivelet janë të ulëta.

Për 5 muajt e parë të këtij viti, ne kemi marrë nga SHBA proodukte në vlerën e 7.3 miliardë lekëve, ndërsa kemi eksportuar vetëm 1.8 miliardë lekë. Pra, një deficit prej 5.5 miliardë lekë për ekonominë tonë. Kjo do të thotë se në këtë shkëmbim, Amerika është ajo që del me fitim.