LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Kryeministri Rama e ka marrë si nismë personale atë të lirimit të hapësirave publike të zëna nga bizneset. Nga Vlorës dhe Tiranës, aksioni ka nisur edhe në Theth, Durrës dhe Fier. Strukturat e pushtetit vendor janë angazhar që trotuaret t’iu kthehen qytetarëve, vecanërisht në qytetet turistike, nën vëzhgimin e rreptë të kreut të qeverisë.
Një aksion që po bëhet me bujë në kulmin e sezonit turistik. Përtej qëllimit të mirë, është një ndër shqetësimet që hasin pushuesit në këto ditë të nxehta. Pasi presupozohet që është një punë që pushteti vendor duhet ta kishte bërë përpara nisjes së sezonit. Por cilat janë problemet e tjera që vështirësojnë turizmin?
Punimet në infrastrukturën rrugore, që pengojnë dhe ngadalësojnë lëvizjen; punimet private në zonat turistike, që shoqërohen me zhurrma dhe shqetësim për pushuesit; mosofrimi i shërbimeve nga pushteti vendor, si menaxhimi i mbetejeve apo pastrimi i plazheve publikë apo edhe kontrollet apo aksionet nga administrata.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Dhe nga këto probleme që tregojnë për një turizëm ende kaotik, ekonomia ka humbje.
Kjo pasi rritja e numrit të turistëve nuk përkthehet gjithmonë në rritje të të ardhurave për komunittein; turizmi nuk krijon gjithmonë punë të qendrueshme, por ende sezonale, ndërkohë që mbetet i shkëputur nga sektorë të tjerë të rëndësishëm të ekonomisë, si bujqësia apo transporti.
