Kriza për punëtorë, mbi 86 mijë aplikime nga të huajt në e-Albania

Bizneset po përpiqen të importojnë punëtorë nga jashtë për të plotësuar mungesat e shkaktuara nga emigracioni I pandalshëm vitet e fundit. Sipas të dhënave zyrtare, në portalin e qeverisë e-Albania janë regjistruar në total 85.980 aplikime për “leje unike”.

Shërbimi elektronik “Aplikim për leje unike” u mundëson shtetasve të huaj që kërkojnë të qëndrojnë dhe të punojnë në territorin e Republikës së Shqipërisë, të bëjnë një kërkesë për t’u pajisur me leje unike në Republikën e Shqipërisë.

Sipas të dhënave të publikuara nga e- Albania, vetëm gjatë vitit 2022 janë regjistruar 36,700 aplikime, ndërsa gjatë vitit 2023 shënohen 36,348 aplikime dhe në vitin 2024 janë 12,932 aplikime.

Shifrat e mësipërme tregojnë qartë se bizneset ndodhet në krizë për punëtorë dhe importi I tyre nga vende si Bangladeshi, India, Filipinet etj është zgjidhja e vetme që sipërmarrësit kanë. Kjo me gjithë problemet e konstatuara, ku një pjesë e këtyre punëtorëve të huaj përdorin Shqipërinë si tranzit për të kaluar në vendet europiane.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern