LIGJET E BIZNESIT
Arriihet marrëveshja mes Bashkimit Europian dhe Shteteve të Bashkuara të Amerikës për tarifat tregtare. Presidenti amerikan Donald Trump ka arritur konsensusin për një marrëveshje tregtare me BE-nw, pas një takimi të shkurtër me Presidenten e Komisionit Europian, Ursula von der Leyen. Njoftimi u bë publik nga vetë presidenti amerikan gjatë një prononcimi për mediat nga resorti i tij i golfit në Turnberry, Skoci.
“Kemi arritur një marrëveshje. Është një marrëveshje e mirë për të gjithë”, deklaroi Trump për gazetarët. Ai shtoi se kjo marrëveshje do të forcojë marrëdhëniet ndërmjet SHBA-së dhe BE-së, duke e përshkruar atë si një “partneritet, në një farë kuptimi”.
Nga ana tjetër, Ursula von der Leyen e cilësoi atë si një “marrëveshje e madhe”, duke theksuar se u arrit pas “negociatave të vështira”. Ajo nuk dha detaje të mëtejshme, por theksoi rëndësinë strategjike të këtij hapi për të dyja palët.
Marrëveshja vjen në një moment delikat për ekonominë globale dhe për marrëdhëniet transatlantike, duke sinjalizuar një hap drejt bashkëpunimit më të ngushtë ekonomik mes dy prej blloqeve më të fuqishme në botë.
Nuk janë publikuar ende detajet e plota të marrëveshjes, por burime nga të dyja palët konfirmojnë se ajo përfshin lehtësime tarifore dhe bashkëpunim në fusha të caktuara strategjike. Palët pritet të zhvillojnë konferenca të mëtejshme për të bërë të ditura specifikat e marrëveshjes dhe hapat që do të ndjekin më tej.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
