LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Mungesa e fuqisë punëtore ka detyruar shtetin dhe privatin të rrisin pagat. Një rritje që po bëhet artificialisht dhe nuk ëhstë shoqëruar me shtim të produktivitetit.
Të dhënat zyrtare tregojnë se në tremujorin e parë të këtij viti, paga mesatare bruot në ekonomi I kapërceu 82 mijë lekë, me rritje mbi 8.500 lekë kundrejt të njëjtës periudhë të një viti më parë.
Me ritme më të shpejta në drejtim të rritjes së pagave ka ecuri shteti. Tashmë prej mëse dy vitesh, qeveria ka nisur reformën e pagave, të cilët në fushatë premtoi se do ta vijonte edhe gjatë mandatit të katërt.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Paga mesatare bruto në shtet ka arritur në rreth 98 mijë lekë, me rritje mbi 13 mijë lekë në harkun kohor të një viti. Ndërsa paga në privat është aktualisht 72 mijë lekë dhe është rritur me vetëm 3.500 lekë në një vit.
Por sa marrin pjesa dërrmuese e shqiptarëve pagë? Për të kuptuar standarin dhe nivelin e jetesës sesi ka ecur?
Sipas të dhënave, 25.4% e të punësuarve janë me pagë nga 60 mijë-95 mijë lekë; ndërkohë që 12.4% janë me pagë minimale deri në 40 mijë lekë dhe 13.5% janë me paga të larta mbi 120 mijë lekë. Krahasuar me një vit më parë, rezulton se është shtuar numri i atyre që jetojnë me pagë minimale dhe është pakësuar numri i atyre me pagë të lartë.
