LIGJET E BIZNESIT
Në një moment kur tregjet globale përballen me sfida të shumta, importi i kapitullit “Kafe, çaj dhe erëza” në Shqipëri ka shënuar një rekord historik në vlerë, ndërsa në peshë mbetet vlera e katërt më e lartë e regjistruar ndonjëherë. Ky fenomen tregon qartë se shqiptarët nuk janë larguar aspak nga rituali i tyre i përditshëm, kafeja, e cila mbetet pjesë thelbësore e kulturës shqiptare.
Sipas të dhënave më të fundit, vlera totale e importit në muajin Maj të këtij viti ka arritur në 739 milonë lekë, duke reflektuar kërkesën e fortë dhe të vazhdueshme për këto produkte. Kjo është vlera më e lartë që nga Janari i vitit 2005. Rritja vjetore vlerësohet në 13%, krahasuar me të njetën periudhë të vitit të kaluar, që është edhe vlera e dytë më e lartë ndër vite. Ajo që bie në sy është edhe pesha e importuar me gati 1 mijë ton, që tregon një konsumin në volum të konsiderueshëm, një tregues i qartë se shqiptarët nuk u ndahen lehtë aromës së kafes, çajit apo erëzave
Në maj të vitit 2025, çmimi mesatar i importit të kafes ka arritur në 673 lekë për kilogram, duke shënuar një rritje të dukshme krahasuar me majin e vitit të kaluar, kur qëndronte në 536 lekë për kilogram. Megjithatë, krahasuar me muajt e parë të vitit 2025, si marsi me 693 lekë për kilogram dhe prilli i vitit 2024 me 701 lekë për kilogram, vërehet një tendencë e qëndrueshme, me çmime që mbeten relativisht të larta. Kjo tregon se, edhe pse kërkesa është në rritje dhe importi në vlerë ka arritur rekorde, çmimi për kilogram kafeje mbetet brenda një diapazoni që pasqyron interesin për cilësi dhe stabilitet në treg.
Ky trend pozitiv tregon më shumë sesa thjesht statistika ekonomik, është një reflektim i stilit të jetesës shqiptare, që pavarësisht sfidave ekonomike apo ndryshimeve globale, vazhdon të ruajë traditat e veta. Kafeja mbetet një ritual i përditshëm.
Theksojmë se çmimi i kafes ka pësuar një rritje të ndjeshme në tregun global së fundmi. Faktorët kryesorë që kanë ndikuar në këtë rritje përfshijnë kushte klimatike të pafavorshme, rritje të kërkesës dhe pasiguri tregtare./TV Scan
