Pushtimi me 30 mln turistë?! Anët e errëta të turizmit që askush nuk i flet

Nga Aurora Sulce, Producente Ekzekutive për Biznesin në A2 CNN

Shqipëria pritet të përjetojë një pushtim nga turistët e huaj në tre vitet në vijim. Është ky parashikimi që ka bërë media britranike The express, e cila shkruan në një artikull të saj se vendi mund të përballet së shpejti me një fluks të papoërballueshëm turistësh. Ndonëse në pamje të parë duket një lajm i mirë, turizmi ka edhe anë negative. Ato për të cilat shumë qytetarë në vende të zhvilluara turistike, si Barcelona apo dhe Italia e Greeqia janë ngritur në protesta.

Por le të shohim shifrat e deritanishme për të kuptuar, nëse edhe Shqipëria rrezikohet apo jo nga kjo anë e errët e turizmit?

Numri i turistëve të huaj i kapërceu vitin e kaluar 11 milionë, niveli më i lartë i shënuar ndonjëherë. Ndërkohë që në katër muajt e parë të këtij viti, kanë vizituar Shqipërinë 2.4 milionë turistë. Sipas parashikimeve, deri në vitin 2030, numri i tyristëve të huaj do të kapë 30 milionë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Por a ka mundësi vendi ynë të akomodojë dhe të shërbejë kaq shumë turistë? Cilat jnë pasojat negative të kësaj situate, për të cilat flitet pak?

Ardhja e bnjë numri të madh turistësh, përtej mundësive pritëse të një vendi vështirëson jetesën për vendasit. Kjo pasi shoqërohet me rritje të cmimeve të ushqimeve dhe jo vetëm, edhe të produkteve dhe shërbimeve në përgjithësi; i bën më të shtrenjta pushimet për vendasit, rrit ndjeshëm qiratë dhe cmimin e shitjes së pronave. Këto dukuri kanë filluar të ndihen edhe në Shqipëri.

Nga ana tjetër, edhe vetë operatorët e sektorit të turizmit përballen me vështirësi. Një pjesë e problemeve janë të trashëguara në vite, e një pjesë të krijuara rishtazi.

Ato nisin me mungesën e fuqisë punëtore; zhvlerësimin e euros; niveli e lartë të informalitetit; nivelin e ulët të shërbimeve dhe mungesën e koordinimit të politikave publike me ato private. Probleme që ende nuk kanw marrë zgjidhje, edhe me sezonit turistik që ka hyrë tashmë në “stinën e nxehtë”.