LIGJET E BIZNESIT
Eksportet shënuan rritje në maj, duke ndryshuar kurs nga prilli, që ishte shënuar rënie. Sipas të dhënave të Institutit të Statistikave, në maj eksportet e mallrave arritën vlerën 35 miliardë lekëve, duke u rritur me 1.2 %, në krahasim me të njëjtën periudhë të një viti më parë dhe me 6 % në krahasim me muajin e kaluar. Kontributin kryesor në këtë ecuri e ka dhënë eksporti i naftës bruto të nxjerrë nga fushate Patos-Marinzës, që në maj u zgjerua me 6.2 %.
Me përjashtim të ushqimeve dhe tekstileve e këpucëve, të gjithë grupet e tjera të produkteve paraqiten në rënie, duke konfirmuar se “kriza e eksporteve nuk ka marrë fund”.
“Nuk kemi të bëjmë me me një kthesë. Kemi thjesht një grup produktesh, në këtë rast karburanti që ka shënuar zgjerim të konsiderueshëm e rrjedhimisht ka ndikuar në peshën totale. Por kriza e eksporteve vijon”, tha Edison Zaçaj, ekspert për ekonominë.
E kundërta ndodhi me importet muajin e shkuar. Pavarësisht shifrave në rritje të turistëve, u blenë nga jashtë mallra me vlerë 77.6 miliardë lekë. Në krahasim me majin e një viti më parë, rënia përllogaritet me gati 3 miliardë lekë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kemi një krizë konsumi e cila pritet të bëhet edhe më e ashpër në vijim si pasojë e largimeve nga vendi. Turistët nuk po ndikojnë në zgjerimin e konsumit e rrjedhimisht në zgjerimin e konsumit e rrjedhimisht në nxitjen e prodhimit vendas apo importeve”, tha Edison Zaçaj, ekspert për ekonominë.
Me eksportet që morën një kthesë të vogël dhe importet në rënie lehtë, bilanci tregtar u mbyll negativisht për vendin muajin e shkuar me 35 miliardë lekë deficit.
“Vijojmë te kemi një bilanc aspak të premtuar që rrezikon të na kthejë shumë pas në kohë me një deficit tregtar të theksuar”, tha ai më tej.
Muajin e shkuar Shqipëria eksportoi më shumë produktedrejt Kosovës, Greqisë dhe Gjermanisë. Nga ana tjetër, kompanitë shqiptare kanëçuar më pak produkte drejt Italisë dhe Maqedonisësë Veriut.
