Bie besimi tek ekonomia, pesimistë konsumatorët dhe bizneset e industrisë

Bie besimi në ekonomi. Vrojtimi I Treguesit të ndjesisë ekonomike, publikuar nga Banka e Shqipërisë evidenton në muajin prill, me rënie prej 0.8 pikësh në krahasim me marsin. Kjo rënie u  përcaktua  veçanërisht  nga  sektori  i  industrisë,  dhe  më  pak  nga  treguesi  i  besimit   konsumator. Ndërkohë treguesit e besimit në sektorët e ndërtimit, shërbimeve dhe tregtisë, regjistruan rritje të lehta.

Treguesi i besimit të industrisë (TBI) ra me 6.7 pikë përqindje në muajin prill, i ndikuar nga vlerësimet e përkeqësuara për kontratat porositëse në vend dhe veçanërisht  për  ato  nga  eksportet. Për rrjedhim,  niveli  aktual  i  TBI-së  thelloi  vlerat negative, duke zbritur nën mesataren historike. Në terma të pritjeve për të ardhmen, bizneseve të këtij sektori presin punësim në rritje dhe çmime në rënie.

Treguesi i besimit në ndërtim (TBN) u rrit me 1.3 pikë përqindje në muajin prill,  për  të  dytin  muaj  me  radhë.  Ky  tregues  qëndron  rreth  17  pikë  përqindje mbi mesataren afatgjatë. Rritja këtë muaj u përcaktua kryesisht  nga  vlerësimet  më  të  larta  për  nivelin  e  porosive  aktuale.  Pritjet  për punësimin dhe ato për çmimet në të ardhmen janë në rritje.

Treguesi i besimit në shërbime (tBSh) u rrit lehtësisht me 0.5 pikë përqindje, në  muajin  prill.  Niveli  i  TBSH-së  qëndron  rreth  14  pikë  përqindje  mbi  mesataren afatgjatë të tij. Të dy komponentët përbërës të treguesit, ecuria aktuale e aktivitetit si dhe niveli i kërkesës, kanë regjistruar rritje. Pritjet e bizneseve për punësimin dhe çmimet në të ardhmen janë gjithashtu me rritje.

Treguesi i besimit në tregti (tBt) ka shënuar rritje me rreth 0.8 pikë përqindje. Kjo  rritje  u  ndikua  kryesisht  nga  vlerësime  optimiste  për  punësimin  në  të  ardhmen. Niveli aktual i TBT-së qëndron rreth 7 pikë përqindje mbi mesataren historike. Gjithashtu,  pritjet  e  tyre  për  ecurinë  e  biznesit  dhe  ato  për çmimet në të ardhmen kanë regjistruar rritje këtë muaj.

 Treguesi i besimit konsumator (tBK) ra me 1.3 pikë përqindje. Megjithatë, niveli i tij aktual mbetet  mbi mesataren historike me rreth 2 pikë përqindje. Përkeqësimi  i  TBK-së  këtë  muaj  u  ndikua  nga  rënia  e  pothuajse  të  gjithë  balancave  përbërëse  të  treguesit,  përkatësisht:  pritjeve  për  situatën  e  përgjithshme ekonomike, situatën financiare dhe blerjet aktuale në shuma të mëdha  (Tabelë  2,  konsumatori. Pritjet për  nivelin  e  përgjithshëm  të çmimeve dhe punësimin në të ardhmen janë rishikuar lehtësisht për poshtë.