Paqja fiskale e Ramës dhe amnistitë e qeverive para zgjedhjeve

Nga Aurora Sulce, drejtuese e Fast News Economy

Një ditë më parë, kryeministri Rama prezantoi gjatë një takimi me biznesin në Elbasan faljen fiskale, që socialistët e quajtën paqja fiskale. Cfarë parashikon ajo? Gjithmonë nëse në zgjedhjet e 11 majit, Rama do të fitojë një mandate të katërt në qeverisje.

Amnistia ka tre shtylla kryesore. Ndërhyrjet do të bëhen tek tatimi i dakortësuar mbi fitimin; rishikimi i pasqyrave financiare dhe falja e detyrimeve dhe kamatvonesave.

Le ti shohim konkretisht se cfarë premtohet.

Për tatimin mbi fitimin, bizneset mund të hyjnë në një marrëveshje vullnetare me administratën tatimore, ku fitimi për qëllime tatimi nuk llogaritet vetëm për një vit, por bazuar në mesataren e 3 viteve të fundit, të rregulluar me disa faktorë ekonomikë. Kjo marrëvedhjes sjell disa përfitime: pasi biznesi di paraprakisht sa do të paguajë; fitimet shtesë tatohen me vetëm 5%.dhe biznesi përjashtohet nga kontrolli tatimor për atë periudhë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shtylla e dytë e faljes fiskale të socialistëve janë pasqyrat financiare,

Bizneset që kanë bërë deklarime të pasakta në të kaluarën, mund të rishikojnë pasqyrat e tyre financiare dhe të paguajnë vetëm 5% penalitet mbi ndryshimet. Nuk do të ketë gjoba dhe as interesa. Ndërkohë që pas validimit nga tatimet, ato vite nuk kontrollohen më.

Shtylla e tretë e faljes fiskale ka të bëjë me faljen e detyrimeve dhe kamatvonesave.

Për të gjitha bizneset që kanë borxhe të vjetra ndaj tatimeve propozohet: fshirje totale për detyrimet më të vjetra se 10 vite. Fshirje e gjobave dhe kamatave për 5 vitet e fundit, nëse paguhet detyrimi kryesor. Ndërkohë që për për detyrimet 5–10 vjeçare: fshirje 50% nëse paguhet menjëherë. fshirje 25% nëse paguhet me këste brenda një viti dhe fshirje e gjobave dhe kamatave për borxhet 1–5 vjet, nëse paguhet detyrimi i plotë.

Kjo nuk është hera e parë që premtohet amnisti fiskale para zgjedhjeve. E kanë bërë thuajse të gjitha qeveritë përpara zgjedhjeve të përgjithshme parlamentare dhe atyre vendore.

Amnistitë kanë nisur në vitin 2009 nga ish qeveria demokratike me faljen e detyrimeve dhe deklarimin pasuror pa ndërshim e kanë vijuar, më pas edhe nga qeveria socialiste, me rivlerësime pronash me tatim të ulët e deri me falje faturash energji dhe uji të pijshëm.