Superprodhim i pazakontë, i ngrohti poqi para kohe luleshtrydhen dhe uli cilësinë

Përpara ditëve të ftohta që mbërthyen vendin, kaloi një valë e të nxehti të pazakontë duke sjellë temperature deri në 29 gradë. Kjo ka sjellë një anomali të paparashikuar për fermerët që kultivojnë luleshtrydhen në zonën e Myzeqesë, të cilët aktualisht ndodhen në një situatë të vështirë sa i takon prodhimit, cilësisë dhe natyrisht çmimit.

“Është i dyti vit rresht që ne na dëmtojnë kushtet atmosferike”, “Erërat e ngrohta që frynë para dy tri ditësh na dëmtoi prodhimin e luleshtrydhes. Tregu nuk ka për këtë superprodhim që doli dhe jemi në kushte të vështira”, thotë një fermer. “Çmimi sot është 120 lek për kilogramë, ndërkohë ka qenë 300 lekë për kilogramë”.

Fermerët shprehen se ngritja e linjave të përpunimit të luleshtrydhes, do të ishte një zgjidhje dhe një garanci më shumë për ta, që prodhimet edhe në raste të tilla të mos shkojnë dëm./A2 CNN

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern