LIGJET E BIZNESIT
Shkëmbimi I valutave është shndërruar në një biznes shumë fitimprurës. Këtë e konfirmon numri I lartë I kërkesave për të hapjen e pikave të këmbimit valutor. Sipas të dhënave të Bankës së Shqipërisë, në fund të vitit 2024, rezulton se janë licencuar 46 pika të reja të agjencive valutore. Aktualisht, në Shqipëri numërohen gjithsej 640 zyra të këmbimit valutor. Nga statistikat zyrtare të Bankës Qendrore rezuton se rreth 303 pika të këmbimit valutor gjenden vetëm në Tiranë, 42 në Durrës ndërsa pjesa e mbetur është e shpërndarë në qytetet e tjera të vendit.
Nga ana tjetër, Banka e Shqipërisë ka hequr licencën e 24 zyrave të këmbimit valutor. Ndërsa në 2023 iu ndalua që të ushtronin veprimtarinë 14 pikave të këmbimit valutor, vitin e kaluar rezulton të jenë hequr 10 licenca më shumë, pjesa më e madhe e të cilave në Tiranë.
Banka e Shqipërisë kryen inspektime të vazhdueshme pranë pikave të këmbimit valutor. Arsyet kryesore të revokimit të licencave kanë të bëjnë me moszbatimin e detyrimeve ligjore dhe rregullatore lidhur me pastrimin e parave dhe financimin e terrorizmit nga ana e zyrave të këmbimit valutor. Në raportin e ardhshëm të mbikëqyrjes financiare të Bankës së Shqipërisë, pritet të publikohen edhe më tepër detaje mbi arsyet e revokimeve.
Gjithashtu, në dy javët e para të janarit rezulton të jenë revokuar edhe 2 licenca të tjera të pikave të këmbimit valutor.
