Më pak dhëmbë dhe hundë operacion, bien udhëtimet e të huajve për qëllime mjekësore

Më pak shtetas të huaj e kanë vizituar Shqipërinë në vitin që sapo u mbyll për qëllime mjekësore. Një ndryshim i trendit të konstatuar vitet e fundit, ku numri i shtetasve të huaj që vinin në vendin tonë për qëllime mjekësore, ku përfshiheshin kryesisht kurimi i dhëmbëve dhe operimi estetik i hundër ka qenë i lartë. Kjo për shkak të cmimeve të ulëta të këtyre shërbimeve.

Të dhënat e fundit të Institutit të Statistikave tregojnë se gjatë vitit 2024, numri i shtetasve të huaj që kanë hyrë në Shqipëri për trajtime mjekësore ka qenë 637. Ndërkohë që një vit më parë ka qenë 949 të huaj. Pra, një rënie me 312 shtetas të huaj ose 32.9%.

Statistikat tregojnë se në rënie është edhe numri i të huajve që kanë ardhur në vendin tonë për qëllime fetare apo ata që e kanë përdorur Shqipërinë si tranzit për të kaluar në vendet e tjera. Ndërkohë që në rritje gjatë vitit të kaluar ka qenë numri i shtetasve të huaj që kanë ardhur në vendin tonë për pushime.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern