Kryeministri Edi Rama u ka bërë thirrje emigrantëve që të jetojnë dhe investojnë në Shqipëri. Sipas kryeministrit, së shpejti do të shpallet një program i ri i cili do të vijojë të mbështesë agroturizmin përmes granteve dhe kredive të buta.
“Agroturizmi taksa nuk ka, tvsh e kemi bërë 6%. Kemi një program të ri që do shpallim së shpejti, që do japim mbështetje financiare për këto aktivitete, juve me atë që keni bërë e merrni atë mbështetjen tone financiare. Është një mbështetje e kombinuar kredi e butë më grant.”
Aktualisht, problemi kryesor i sipërmarrësve është fuqia punëtore.
“Unë isha me disa sipërmarrës. Problemi kryesor më thoshin se nuk kemi problem fare se sa i paguajmë, por nuk kemi kë të punësojmë. Sepse kemi arritur që sanitarja, pastruesja tek unë merr 600 euro, i merr dhe i çon në shtëpi”.
Nga ana tjetër, kryeministri theksoi se krahasuar me vendet e Europës, 94% e shqiptarëve kanë pronësi banesa.
“Tek qiratë ne jemi vendi në Europë, me pronësinë më të lartë të shtëpive, 94% ne i kemi pronësi të shtëpive dhe akoma nuk na ka ardhur ajo kriza e madhe e qirave që ka kapur tani gjithë të zhvilluarit. Që s’ka më, Portugalia, Spanja, Italia në një pjesë të mëdha, nuk kanë më asnjë mundësi të marrin shtëpi”.
