Benz “bie” nga froni, shqiptarët preferojnë këtë tip makine

Ka arritur në 90,882 numri i mjeteve të regjistruara për herë të parë në Shqipëri gjatë 11 muajve të 2024-ës. Të dhënat janë publikuar nga Drejtoria e Përgjithshme e Shërbimeve të Transportit Rrugor. Rezulton se autoveturat zënë pjesën dërrmuese të mjeteve të regjistruara për herë të parë, me 83.7% të totalit. Përsa i përket pronësisë, 78.3% e mjeteve të janë në emër të individëve, ndërsa pjesa tjetër prej 21.7% i përket subjekteve juridike

Sipas ndarjes gjeografike, qarku i Tiranës kryeson me një numër të lartë prej 37,993 regjistrimesh, ose mbi 40% të totalit kombëtar. Pas Tiranës, vijnë Durrësi me rreth  14,500 regjistrime dhe Fieri me 7,520 regjistrime.Qarqet me më pak regjistrime përfshijnë Gjirokastrën, Peshkopinë dhe Kukësin.

Sa i përket markave të autoveturave, dominon Volksëagen-i me 24.3% të totalit të regjistrimeve, ndjekur nga Mercedes-Benz me 17.4% dhe Audi me 12.8%. Përsa i përket vitit të prodhimit, pjesa më e madhe e autoveturave janë 0–4 vjeç (53.3%), ndërsa 25% janë të kategorisë 5–8 vjeç. Mjetet mbi 15 vjeç përbëjnë vetëm 12.4% të totalit.

Regjistrimet sipas shtetit të origjinës tregojnë se Koreja e Jugut  zë vendin e parë me 17,395 mjete, ndjekur nga Italia me 16,304 dhe Gjermania me 16,030. Ndër vendet me më pak regjistrime janë Holanda, Franca dhe Belgjika.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern