LIGJET E BIZNESIT
Profesionistët e lirë që parapaguan këstet e tatim-fitimit kanë nisur në marrin mbrapsht paratë. Për ata që nuk paguan detyrimet përpara se Gjykata Kushtetuese të shfuqizonte taksimin e tyre, Administrata Tatimore ka fshirë detyrimet duke pastruar llogaritë.
“Janë 27 mijë 605 tatimpagues të cilët janë subjekt i Aktit Normativ dhe për një pjesë të tyre u fshinë, pra u anuluan planet e parapagimit për këstet e gjeneruara për tatimin e thjeshtuar mbi fitimin apo për tatimin mbi fitimin. Ndërsa për 8.137 tatimpagues duhet të kryheshin procedurat e rimburismit, pra të kthimit të parapagimeve që ata kishin kryer në llogaritë e tyre bankare”, tha drejtoresha e procesit të biznesit në DPT, Rozana Çelmeta.
Ndonëse Akti Normativ i miratuar nga qeveria si fillim e në Parlament më pas përcakton 30 dhjetorin si aftin e fundit, “tatimet” kanë rimbursuar apo fshirë detyrimet për 90 për qind të profesionistëve të lirë.
“Për 7.157 tatimpagues, për të cilët u dërguan për pagesë një vlerë prej 5.75 milionë euro. Ndërkohë detyrimi në total për të gjithë tatimpaguesit që ishin subjekt i Aktit Normativ ishin 21.6 milionë euro, nga të cilat 15.4 milionë euro u fshinë apo u anuluan”, shtoi Çelmeta.
Problem mbeten një kategori tatimpaguesit që nuk kanë një llogari bankare aktive në lekë në të dhënat e tyre në sistemin “e-filing” të tatimeve. Megjithatë ata nuk humbin të drejtën për t’u rimbursuar me gjithë përfunimin e fatit më 30 dhjetor, për ata që nuk deklarojnë llogaritë bankare brenda këtij viti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“E drejta e kreditimit të kësteve që kanë parapaguar nuk humbet. Procesi për ata tatimpagues që nuk përmbyllet deri më 30 dhjetor do të vijojë në janar nga Drejtoritë Rajonale ku tatimpaguesit duhet të bëjnë kërkesë për rimbursim të shumave të paguara”, deklaroi Çelmeta.
Në fund të muajit qershor 2024 Gjykata Kushtetuese rrëzoi disa nene të ligjit “Për tatimin mbi të ardhurat” ku parashikohej tatimi i kësaj kategorie profesionistësh.
Gjykata vlerësoi se tatimi ishte joproporcional dhe cenonte sigurinë juridike. Tatimi i profesionistëve të lirë u miratua në mars të vitit 2023 dhe parashikonte 15 për qind tatim kush për të ardhurat deri 14 milionë lekë, dhe 23 për qind kush merrte më shumë.
