LIGJET E BIZNESIT
Këshilli Bashkiak i Tiranës ka vendosur në mbledhjen e sotme që pensionistët të udhëtojnë falas me urbanë. Ndërkohë që çmimi i biletave të transportit urban në kryeqytet për kategoritë e tjerë të qytetarëve nuk do të rritet. Nga ana tjetër, për të kompnesuar humbjet e operatorëve privatë, Bashkia Tiranë do t’i subencionojë deri në 10 lekë për çdo biletë.
“Për biletën njëpërdorimshe për një udhëtim, për transportin publik qytetas në format letër me çmim të parashtypur, që aplikohet është 40 lekë, përfshirë TVSH. Bashkia Tiranë do të subvencionojë operatorët e transportit publik qytetas deri në 10 lekë për çdo biletë njëpërdorimshëm për një udhëtim, për transportin publik qytetas në format letër, sipas kushteve të përcaktuara”, citohet në vendim.
Gjithashtu janë përcaktuar kriteret të cilat duhet të plotësohen për të marrë subvencionimin nga bashkia. Ndërkohë, në lidhje me abonetë, pensionistët dhe studentët do të udhëtojnë falas.
Është miratuar që nga 1 janari 2025, operatorët do të kompensohen 100% në vlerën 1,600 lekë për abonetë falas të cilat do të shpërndahen për pensionistët dhe studentët.
Kriteret që një pensionist duhet të përmbushë për të marrë abone falas janë parashikuar që të jenë banues në Bashkinë e Tiranës, gratë pensioniste që kanë mbushur moshën 60 vjece dhe burrat pensionistë që kanë mbushur moshën 65 vjeç.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
