Përfundon seanca “maratonë”, Buxheti 2025 miratohet në seancë plenare

Është miratuar me 75 vota pro, 40 kundër dhe 0 abstenim buxheti i vitit 2025 në Kuvendin e Shqipërisë.

Deputetët e pranishëm në sallë ishin 116, në momentin e votimit. Po ashtu, në emër të Grupeve Parlamentare mbajtën fjalën, Shpëtim Idrizi, Eduard Shalsi dhe Jorida Tabaku.

Buxheti i vitit 2025 është rreth 8.2 miliardë euro. Këto shpenzime të planifikuara për vitin 2025, do të ndahen për pagat, investimet, rindërtimin, interest, mbrojtjen sociale, borxhin, fonde rezervë, për pushtetin vendor, ndihma ekonomike, kompensime, bujqësinë, etj.

Kujtojmë se seanca plenare gjatë dy ditëve të fundit është karakterizuar nga debatet dhe përplasjet, me deputetët opozitarë që e kanë kundërshtuar miratimin e këtij buxheti.

Ata kanë shprehur vazhdimisht pakënaqësitë me buxhetin e vitit 2025, duke pretenduar se ai buxhet i varfëron edhe më tej shqiptarët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë po ashtu se ditën e sotme, jashtë ambienteve të Parlamentit, për rreth 2 orë ditën e sotme, një grup qytetarësh, mbështetës të opozitës, protestuan kundër miratimit të buxhetit.