Shtyhet rivlerësimi i pronave. Arsyeja referencat apo suficiti në buxhet?

Qeveria shtyn nismën e rivlerësimit të pronave me tatim 5%. Lajmi është bërë i ditur nga ministri i Financave, Petrit Malaj. Sipas tij, rivlerësimi do të bëhet vitin e ardhshëm, pasi ende nuk ka përfunduar reforma e caktimit të referencave të pronave në të gjithë vendin, veçanërisht në vijën bregdetare.

“Rivlerësimi i pasurive te paluajtshme do te behet paralelisht me caktimin e çmimeve të referencës për gjithë territorin e Shqipërisë, në mënyrë që të përfitojnë të gjithë. Është një proces që do të zgjasë përgjatë vitit të ardhshëm kur të bëhen referencat e reja”, deklaroi ministri i Financave.

Në mesin e muajit maj, deputetja socialiste. Blerina Gjylameti depozitoi në Kuvend projektligjin për rivlerësimin e pasurive të paluajtshme me vetëm 3 për qind deri në 31 qershor 2025. Kryeministri Rama, njoftoi në korrik se norma e rivlerësimit do të ishte 5 për qind, mirëpo të dy versionet kanë mbetur pezull, duke ngecur edhe shit-blerjet e pronave.

Ndërsa Ministria e Financave deklaron se rivlerësimi po shtyhet për shkak të reformës së referencave, një arsye mund të jetë suficiti në buxhet, që për 9 mujorin e këtij viti arriti në 690 milionë euro. Thënë ndryshe, qeveria ka në këtë moment mjaftueshëm para, të cilat do t’i ketë vështirë t’i shpenzojë, duke pasur parasysh bkohës e paktë në dispozicion deri në fund të vitit buxhetor në dhjetor. Rivlerësimi me tatim të ulët do të shoqërohej me rirtje të ndjeshme të të ardjhurave, cka do të shtonte vështirësitë për qeverisë se ku do t’i alokonte këto fonde. Një situatë që në këto momente është totalisht e papërshtatshme për të.

Në 13 vitet e fundit janë bërë 5 rivlerësime pronash dhe të gjitha kanë ndodhur përpara zgjedhjeve vendore ose të përgjithshme parlamentare, me tarifa që kanë variuar nga 1 për qind në vitin 2011 në 3 për qind dy rivlerësimet e fundit.