Bankat në vend fituan gati 28 miliardë lekë apo rreth 280 milionë euro deri në shtator. Shuma që 11 institucionet financiare në vend kanë fituar në vend, është më e larta ndonjëherë dhe 22.4 për qind më e lartë se një vit më parë.
“Arsyet janë kryesisht prej të ardhurave të realizuara nga bankat. Dy janë produktet kryesore. Kryesisht nga interesat e kredive dhe komisionet bashkë me investimet në titujt qeveritarë”, shprehet Artur Ribaj, pedagog, ekspert i sistemit bankar.
Bankat fituan deri në shtator thuajse aq para sa arritën të përfitonin gjatë gjithë vitit të shkuar, duke konfirmuar kështu “ditët e mira për sektorin financiar.” Fitimet e korrura deri në fund të 3-mujorit të tretë tejkalojnë me 2 deri në tre herë shumat e arkëtuara në vitet 2019, 2019 apo 2020. Një prej arsyeve është fakti i normave ndejshëm më të larta të interesit t interesit të kredive se depozitave.
“Pra sa më tepër të rritet marzhi i interesave të depozitave të marra dhe kredive të dhëna, aq më tepër do të jetë masa e fitimit të realizuar”, thotë Ribaj.
Shitblerja e pronave që ka shtyrë shqiptarët si kurrë më parë të trokasin në dyert e bankave renditet si një tjetër arsye. Kredia e re në 9 mujorin janar-shtator 2024 arriti në 28.3 miliardë lekë me një rritje 14 për qind në raport me vitin e shkuar.
“Kredi-dhënia është mbështetësi kryesor në financimin e blerjes së pronave dhe pasurive dhe duke qenë kredi ajo do të realizojë norma kthimi të konsiderueshme për bankat, të cilat po na rezultojnë në këta tregues që kemi”, u shpreh eksperti.
Me gjithë uljen e normës bazë të interesit për lekun në 2.75 për qind nga Banka e Shqipërisë, ekspertë të tregut financiar vlerësojnë se bankat në vend do të vijojnë të korrin fitime të kënaqshme edhe në vijim./A2 CNN
