LIGJET E BIZNESIT
Numri i qytetarëve që kanë zgjedhur të udhëtojnë me tren ka shënuar një rritje të lehtë këtë vit. Sipas të dhënave të Institutit të Statistikave, në tremujorin e tretë 2024, kanë përdorur transportin hekurudhor si mjet udhëtimi 2.110 pasagjerë, duke shënuar rritje me 4,6 %, krahasuar me të njëjtën periudhë të vitit të kaluar.
Gjatësia e rrjetit hekurudhor në shfrytëzim në vend është 253 km. Në shfrytëzim janë linjat hekurudhore: Kufi – Gjorm 93 km, Durrës – Elbasan 76 km, Rrogozhinë – Fier 49 km dhe Fier – Vlorë 35 km. Transporti hekurudhor i mallrave kryhet në distanca 0 – 49 km dhe 50 – 150 km.
Sipas të dhënave, volumi i mallrave të transportuara nëpërmjet rrugëve hekurudhore është 137 mijë ton, duke shënuar rritje me 6,1 %, në krahasim me tremujorin e tretë 2023. Volumi i mallrave të transportuara me hekurudhë në mijë ton-km rezultoi 4.546 nga 4.456 mijë ton-km në të njëjtën periudhë të vitit të kaluar, duke u rritur me 2,0 %.
“Qymyri dhe linjiti, nafta bruto dhe gazi natyror” sipas klasifikimit NST 2007 (Nomeklatura e Statistikave të Transportit), zënë 89,1 % të mallrave të transportuar me hekurudhë , “Lëndë të para të ricikluara; mbetjet e ngurta (bashkiake) dhe mbeturina të tjera” 9,5 % dhe “Metalet bazë; produktet metalike të fabrikuara, përveç makinerive dhe pajisjeve” zënë 1,4 %.
