Euro është futur në një trend të pazakontë, duke shënuar rënie të forta dhe të pandalshme cdo ditë. Një situatë që vijon tashmë prej dy vitesh, por që është bërë më e theksuar gjatë vitit 2014 dhe vecanërisht këtë vit. Monedha e përbashkët europiane ka zbritur aktualisht në 98.3 lekë dhe po shënon rënie thuajse cdo ditë. Kjo po ndodh në një periudhë që nuk përkon me kulmin e sezonit turistik dhe kur euro tradicionalisht ishte e “fortë”. Edhe pse ende ka turistë, flukset valutore të tyre nuk justifikojnë zhvlerësimin kaq të fortë të euros.
Ekspertët shpjegojnë se valuta nga burimet informale, por edhe një efekt psikologjik në treg po ndikon në gremisjen e monedhës europiane. Kjo pasi njerëzit nuk besojnë më tek kjo monedhë dhe një pjesë po kthejnë kursimet që I kanë në euro me lek dhe kjo shton sasinë e vautës në qarkullim, duke ushtruar presion në një zhvlerësim të mëtejshëm të saj.
Vetëm gjatë vitit 2014, euro humbi më shumë se 9 lekë në tregun tonë të këmbimit, ritme që janë përshpejtuar gjatë këtij viti. Në rënie është edhe dollari amerikan.
“Kursi mesatar Lek/Euro për periudhën janar-shtator 2024 ishte 101.5 nga 110.3 që ishte mesatarisht gjatë të njëjtës periudhë të 2023. Ndërsa kursi mesatar Lek/USD për janar-shtator 2024 ishte 93.4 nga 101.9 që ishte mesatarisht gjatë të njëjtës periudhë të 2023”, theksohet në relacionin që shoqëron projktbuxhetin 2025, të dorëzuar tashmë në Kuvend nga Ministria e Financave.
Përtej ecurisë së deritanishme të euros, një shqetësim i madh është fakti se nuk dihet se kur do të frenohet një rënie e tillë, në kushtet kur faktorët që e gjenerojnë janë vështirë të ndalshëm.
KURSI I KEMBIMIT LEK/EURO
(01.01.2023-30.10.2024)
