Turistët shtojnë aksidentet, dyfishohet numri në qytetet më të vizituara

Numri i aksidenteve rrugore në vend gati është dyfishuar në një pjesë të qyteteve të vendit. Bëhet fjalë për ato zona që janë edhe më të vizituara nga turistët. Të dhënat e Institutit të Statistikave tregojnë se në 7-mujorin e këtij viti, numri i aksidenteve në Gjirokastër, arriti në 89 nga 58 që ishte në të njëjtën periudhë të një viti më parë.

Në Vlorë numri I aksidenteve në këtë periudhë shënoi 93 të tilla nga 42 një vit më parë. Në Durrës u shënuan deri në korrik të këtij viti 175 aksidente nga 99 në 7-mujorin e vitit 2023. Në Lezhë u regjistruan 134 aksidente nga 108 një vit më parë.

Rritja e numrit të aksidenteve ka qenë më e moderuar në Tiranë, ku në 7-mujorin e këtij viti u shënuan 381 aksidente nga 376 në të njëjtën periudhë të një viti më parë. Por kjo mund të shpjegohet me një përqëndrim më të madh të kontrolleve të Policisë Rrugore, për shkak të përqëndrimit të tyre në kryeqytet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern