Tre vite punë në Shqipëri pas diplomimit, miratohen ndryshimet në ligjin për studentët e Mjekësisë

Parlamenti miratoi me votat e socialistëve ligjin për studentët e Mjekësisë. Ndërsa opozita nuk ishte prezente në sallën e Kuvendit, nuk pati asnjë votë kundër, por vetëm një abstenim për ndryshimit në këtë ligj.

Ndryshimet në projektligjin “ligjin nr. 60/2023, “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme”, në institucionet publike të arsimit të lartë”, u ndërmorën pasi Gjykata Kushtetuese shfuqizoi e pjesërisht atë.

Pas vendimit të Kushtetueses, qeveria  ndryshoi ligjin për qëndrimin e detyruar në atdhe të studenteve të Mjekësisë pas diplomimit duke ulur vitet e qëndrimit për studentët e viteve të para nga 5 vjet në 3 vjet.

Për të rinjtë e viteve të dyta deri të katërta kufizimi bëhet 2 vite, ndërsa studentët e viteve te fundit detyrohen të punojnë në Shqipëri vetëm një vit pas shkollës.

Ndryshimet e propozuara nga qeveria dhe që u miratuan sot në Kuvend do të nisin zbatimin nga viti i ri akademik 2024-2025 dhe do të kenë efekt deri në 2029.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern