Qeveria ka vendosur të luftojë paranë cash në ekonomi, duke vedosur kufizime në pagesat që bëhen me para në dorë. Një proces jo i lehtë, duke pasur parasysh se thuajse gjithcka e bëjmë me cash, si pagesën e faturave të ujit, dritave etj, e deri tek blerja e mallrave dhe produkteve.
Në Strategjinë afatmesme Fiskale 2024-2027 parashikohet vendosja e tavanit prej 750 euro në pagesat cash për inidvidët dhe nën 1500 euro bizneset.
“Burimi i parave “cash”, nëse një individ ka një të ardhur 80 mijë lek në muaj dhe shpenzon 200 mijë lek në muaj, pra jashtë burimit të ligjshëm, logjikisht që këtë diferencë e ka të krijuar nga burime të paligjshme”, theksohet në këtë dokument të hartuar nga Ministria e Financave dhe të hedhur për konsultim publik.
Në ekonominë shqiptare qarkullojnë aktualisht rreth 1.71 trilionë lekë, nga të cilat mbi 402 miliardë apo gati 24 për qind e totalit, jashtë sistemit bankar.
