Shpejtësia më e lartë e internetit që përdor teknologjinë xGPON është tashmë një realitet për Shqipërinë. Me anë të investimeve të vazhdueshme strategjike, lideri i telekomunikacionit One Albania sjell për herë të parë në vendin tonë internet deri në 10Gbps, i cili kombinon brezin e gjerë me shpejtësi premium dhe teknologji të përparuar për të maksimizuar përvojën e klientëve.
Transformimi dixhital është duke ecur me një ritëm mbresëlënës në Shqipëri. Gjithnjë e më shumë njerëzit janë duke punuar në distancë, ata gjithashtu kërkojnë të transmetojnë video me cilësi të lartë teksa përdorin internet të shpejtë e të besueshëm. Ndërsa peizazhi dixhital evoluon, One Albania qëndron në pararojë të inovacionit të brezit të gjerë me kombinimin e performancës së lartë me teknologjinë inovatore.
“Klientët tanë përdorin gjithnjë e më shumë të dhëna, nga takimet online, tek lojërat në internet e deri te shkarkimi i videove 4K. Me anë të këtij portofoli të ri One Albania mund t’u përshtat kërkesave të tyre, por edhe të përmirësojë përvojën për ta. 10 Gbps është interneti më i shpejtë i disponueshëm në Shqipëri dhe është i shkëlqyeshëm për këdo që përdor shumë të dhëna. Pavarësisht se sa pajisje keni lidhur në të njëjtën kohë—qoftë telefon, laptop apo televizor inteligjent—të gjithë mund të shijojnë internetin të pandërprerë, pa asnjë vonesë.”, tha Athanasios Paraskevas, drejtori i Grupit Komercial të Konsumatorit në One Albania.
Përmirësimet e fundit në portofolin fix përveçse sjellin shpejtësitë 2,5Gbps dhe 10Gbps, prezantojnë edhe modem të rinj, të avancuar për të ofruar performancën më të mirë:
• Shpejtësia 2,5 Gbps, e mbështetur nga modemi i ri Wi-Fi 6,
• Shpejtësia 10 Gbps, e mbështetur nga modemi Gigabit Premium (xGPON).
Këta modemë të avancuar përmirësojnë shpejtësinë dhe mbulimin e Wi-Fi, duke i lejuar përdoruesit të shijojnë lidhje më të qëndrueshme në shtëpitë ose bizneset e tyre. Ruteri Wi-Fi 6, në veçanti, mbështet pajisje të shumta në të njëjtën kohë pa ngadalësuar performancën, falë teknologjive MU-MIMO dhe OFDMA. Ky modem ofron mbrojtje të fuqishme të rrjetit, duke siguruar që klientët të mund të shijojnë përvojën e tyre të internetit pa u shqetësuar për kërcënime kibernetike,
Përmes këtij investimi kompania One Albania është e lumtur që kontribuon për vendosjen dhe ruajtjen e standardeve të larta të shërbimit, duke siguruar që çdo klient të ketë përvojën më të mirë me rrjetin One.
