LIGJET E BIZNESIT
Para’ nga mbetjet për mbetjet. Është kjo formula me anë të së cilës qeveria parashikon menaxhimin e plehrave në vijim. Për të arrirë këtë qëllim, pas Agjencisë, pritet të krijohet edhe “fondi kombëtar i ekonomisë së mbetjeve”. Sipas projektligjit të hartuar nga Ministria e Turizmit dhe Mjedisit, “fondi” do të mbushet sa me partë e buxhetit të shtetit, aq nga donacionet e huaja me gjobat ndaj ndotësve.
“Kjo agjenci që nuk është një nisëm 100 për qind e qeverise qeverisë sonë. Është një nisëm e ardhur nga OECD e cila ka bërë një vlerësim gjatë muajve të fundit mbi potencialin e ekonomisë qarkulluese në vendin tonë”, shprehet Françeska Korançe, eksperte e çështjeve mjedisore.
“Fondi kombëtar” do të administrohet nga Agjencia Kombëtare e Ekonomisë së Mbetjeve, institucion në varësi të ministrisë së Turizmit dhe Mjedisit.
“Tre komponentët kryesorë që kjo agjenci të funksionojë janë “Përgjegjësia e zgjeruar e prodhuesit” – EPR që quhet politika fiskle dhe mbi të gjitha monitorimi i proceseve”, thotë Korançe.
Sipas relacionit të projektligjit, agjencia dhe fondi për të do të kenë funksion koordinues dhe monitorues në menaxhimin e integruar të mbetjeve përmes ekonomisë qarkulluese, që synon nxitjen e ndarjes në burim dhe riciklimin. Sipas vlerësimeve, nëse Shqipëria njekë këto hapa mund të fitojë ekonomikisht nga mbetjet.
“Do të thotë që nga ato mbetje që gjenerojmë, mbetje bashkiake, nga bizneset apo njerëzit, do të thotë se do t’i kemi të ndara në burim. Projekte të tilla krijojnë modele dhe ndihmojnë bashkitë që të mos i konsiderojnë më mbetjet vetëm si problem, por si lëndë e cila mund të kthehet në dobi të ekonomisë së vendit”, thotë ekspertja.
Veç përpjekjes për të gjetur zgjidhje sa më efektive për menaxhimin e mbetjeve, ndryshimi i strategjisë së menaxhimit të mbetjeve vlerësohet si i rëndësishëm edhe përafrimi i bazës ligjore shqiptare me atë të Bashkimit Europian. /A2CNN
