Ligji i ri për inspektimet, ja cfarë do të ndodhë me bizneset që kapen me shkelje

Bizneset nuk do të gjobiten që në kontrollin e parë nga inspektoriatet, nëse konstatohet shkelje. Projektligji për inspektimin e bizneseve, i depozituar tashmë në Kuvend, do të eleminojë vizitat e papritura dhe me ndëshkime tek subjektet private. Por për nëse i përsërisin shkeljet e rregullave, emrat do t’u regjistrohen në një dokument të vetëm.

“Do të sigurohet aksesi i shpejtë në një informacion mbi të gjithë historikun e inspektimeve të subjektit, do të krijohet një regjistër unik kombëtar për dënimet administrative e vendosura dhe për të gjitha aktivitetet e regjistruara ekonomike,” shprehet Selim Blliku, ekspert ekonomie.

“Fakti që do futen në një listë të zezë do të sjellë një impakt a do të jenë më të kujdesshme, të respektojnë rregulloret e sidomos kjo në industrinë ushqimore ku dhe ne kemi parë problematikat. Duhet ndikim më i thellë dhe jo vetëm futjen në një listë. Duhen marrë disa masa dhe ajo vulë në listën  e zezë t’ja riskojë pak biznesin në kuptimin e mirë të marrjes së masave.”

Për të mos arritur në këtë fazë, inspektoritatet do të njoftojnë10 ditë para se grupet e terrenit të paraqiten pranë bizneseve. Ndërsa pritet të reduktohen kontrollet nga 40% në 20%.

“Le të themi ky inspektim i shpejtë sadopak surprizë mos të ndikojë aktivitetin e përditshëm, ti japin pak kohë që të përgatiten por mos të interpretohet si një fshehje e fakteve. Mund të ketë përgatitje të dokumentacioneve të nevojshme. Dhënia kohë le ta quajmë si një mundësi për të mos i mbytur bizneset.”

Për të ulur abuzimet por dhe për të rritur transparencën projektligi sqaron se një mundësi ankimi pranë një komisioni të kualifkuar do t’u jepet sipërmarrësve.

“Ky proces duhet të jetë mbi të gjitha i drejtë. Fakti që ky biznes kishte njohuritë për kontrollin dhe mundësinë për tu përgatitur, dhe prapë i shkelin çdo kërkesë për apelim nga ana e biznesit do të ishte e pavend por nga ana tjetër edhe kur bizneset kanë të drejtë procesi të ishte sa më i thjeshtë.”

Për të realizuar këto funksione propozimi parashikon nevojën shtesë prej 60 punonjës, për të cilët nuk llogariten efekte financiare. Projektligji për inspektimet e biznesve erdhi fill pas deklaratës së kryeministrit Rama për një lehtësim të kontrolleve ndaj këtyre subjekteve