LIGJET E BIZNESIT
Llogaritet në rreth 195 milionë euro fatura e shtetit shqiptar për dëmshpërblimet ndaj vendimeve të Gjykatës së të Drejtave të Njeriut në Strasburg (dhe Gjykatës së Arbitrazhit. Të dhënat janë pasqyruar në relacionin që shoqëron buxhetin 2024.
Me vlerë më të lartë të detyrimit kryeson çështja “Hydro dhe të tjerët kundër Shqipërisë” të sipërmarrësit italian Francesco Becchetti. Detyrimi financiar ndaj këtij vendimi është 108 milionë euro. Çështja u depozitua në Gjykatën e Arbitrazhit në 29 Qershor 2015. Vendimi përfundimtar u mor më 29 Mars 2023.
Vendimet e Gjykatës Ndërkombëtare të Arbitrazhit kanë të bëjnë me zgjidhjen e konflikteve në mosmarrëveshjet dy ose shumëpalëshe, në ngarkim të shtetit shqiptar. Për këtë arsye Ministria e Financave dhe Ekonomisë i vlerëson efektet financiare që shoqërojnë këto vendime, me risk të konsiderueshëm për buxhetin e shtetit.
Ndërsa totali i detyrimeve nga vendimet e Gjykatës së Strasburgut deri në shtator 2023 arrin rreth 21,7 milionë euro. Vendimi që konsiderohet si më i rëndi për financat publike, është gjyqi i familjarëve të Lulzim Bashës dhe banorëve të tjerë të pallatit të shembur në Vlorë në vitin2013, pak muaj pasi socialistët erdhën në pushtet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
