Emigrantët më shumë para në atdhe, por ato zhvlerësohen nga euro

Emigrantët po dërgojnë më shumë para pranë familjeve në atdhe. Të dhënat e fundit të Bankës së Shqipërisë tregojnë se remitancat shënuan në tremujorin e parë të këtij viti vlerën 241 milionë euro, me rritje 28 milionë ose 13% kundrejt të njëjtës periudhë të një viti më parë.

Një ecuri e tillë shpjegohet kryesisht me emigrantët e viteve të fundit, ose ndryshe emigrantët e rinj, të cilët kanë pasur si destinacion kryesisht vendet europiane, si Gjermania, Franca dhe Britania e Madhe. Janë këta të fundit që kanë edhe lidhjet më të forta me familjet.

Por ndërsa fluksi i remitancave është shtuar, familjet pritëse janë ato që kanë vuajtur zhvlerësimin e euros, duke bërë që të marrin më pak të ardhura.

Referuar të dhënave të Bankës së Shqipërisë humbja e familjeve shqiptare si pasojë e zhvlerësimit të valutës europiane përllogaritet në rreth 15 për qind krahasuar me një vit më parë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern