Gjermania në krizë për punëtorë: Në 2035 vendit do i mungojnë 7 milionë punëtorë të kualifikuar

Gjermania po përballet me mungesë të fuqisë punëtore, veçanërisht në sektorët që kërkojnë kualifikim të lartë, dhe vitin e kaluar kishte rreth 570 mijë vende pune të paplotësuara në vend. Ministri i Punës tha se është i shqetësuar se deri në vitin 2035 Gjermanisë do t’i mungojnë deri në shtatë milionë punëtorë të të gjitha kualifikimeve.

11.5 milionë njerëz me prejardhje emigrante punojnë në Gjermani, pothuajse gjysma e të cilëve kanë edhe pasaportë gjermane. Përveç kësaj, gjysmë milionë persona emigrantë janë në arsim.

Të dhënat e Agjencisë Federale të Punësimit tregojnë se në ndërtim dhe në fushën e higjienës dhe pastërtisë, rreth 30 % e punonjësve kanë pasaporta të huaja. Në shumë profesione akademike, pjesa e punëtorëve të huaj është tashmë shumë e lartë dhe rreth 14 % e mjekëve nuk kanë nënshtetësi gjermane.

Ekspertët e tregut të punës këmbëngulin se Gjermania ka nevojë për emigrantë. Madje edhe ardhja e njerëzve me aftësi të ulëta mund të jetë me përfitim ekonomik. Individualisht, emigrantë të tillë janë përfitues neto të përfitimeve qeveritare, sepse ata fitojnë një pension të mjaftueshëm dhe në pleqëri varen nga përfitimet sociale, por puna e tyre është e rëndësishme për suksesin e kompanive gjermane.

Studimet tregojnë se eksportet në vendet e origjinës së emigrantëve rriten, si dhe transferimi i njohurive dhe inovacioni gjithashtu shkojnë paralelisht me emigrimin. Sipas një studimi të Institutit Ekonomik, 13% e të gjitha patentave në Gjermani janë paraqitur nga shpikës me origjinë të huaj. Në teknologjitë e informacionit dhe komunikimit, të huajt përbëjnë 23% të të punësuarve. Studimet shkencore tregojnë se migrantët mesatarisht fitojnë më pak se gjermanët dhe kanë një rrezik më të lartë për të qenë të papunë përkohësisht dhe, si rezultat, kanë mesatarisht më pak pensione.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas një studimi të Organizatës për Bashkëpunim Ekonomik dhe Zhvillim, më shumë se 35% e emigrantëve në vitin 2020 ishin me aftësi të ulëta, ndërsa përqindja e njerëzve me aftësi të larta ishte më pak se 30%, pra nën mesataren e BE-së.