LIGJET E BIZNESIT
Ekonomia shqiptare u rrit me 3.8% në tremujorin e fundit të vitit që lamë pas. Ndërsa i gjithë viti 2023 u mbyll me një rritje ekonomike 3.44%. Instituti i Statistikave ka publikuar të dhënat e ecurisë së Produktit të Brendshëm Bruto.
Në rritjen ekonomike në tremujorin e fundit të 2023-it, kontribut pozitiv kanë dhënë degët: Ndërtimi me +1,28 pikë përqindje, Administrata publike, Arsimi dhe Shëndetësia me +1,01 pikë përqindje, Aktivitete profesionale dhe Shërbime administrative me +0.66 pikë përqindje, Aktivitete të pasurive të paluajtshme me +0,58 pikë përqindje, Arte, argëtim dhe çlodhje; aktivitete të tjera shërbimi me +0,46 pikë përqindje, Informacioni dhe Komunikacioni me +0,28 pikë përqindje, Aktivitete Financiare dhe të Sigurimit me +0,15 pikë përqindje, Tregti,Transport, Akomodim dhe Shërbim ushqimor me +0,07 pikë përqindje. Negativisht kontriboi grupi: Bujqësi, Pyje dhe Peshkim me -0,72 pikë përqindje, Industri, Energji dhe Uji me -0,23 pikë përqindje. Taksat Neto mbi produktet kontribuan pozitivisht me +0,27 pikë përqindje.
Për këtë vit, rritja ekonomike parashikohet në kufijnë 3.2-3.6%, e udhëhequr kryesisht nga sektorët e turizmit dhe ndërtimit, si dhe konsumi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
