LIGJET E BIZNESIT
Të martën do të zhvillohet ankandi i obligacioneve 10 vjecare. Bëhet fjalë për shitjen e letrave të qeverisë me afat të gjatë, që zhvillohet nga Ministria e Financave.
Ankandi do të jetë rihapje e emetimit të datës 24 janar të këtij viti dhe oferta e shpallur e obligacioneve ka vlerën e 3 miliardë lekëve.
Sipas të dhënave të Bankës së Shqipërisë, në ankandin e muajit janar, kuponi dhe yield-i uniform i pranuar i obligacioneve 10-vjeçare arritën në 6.78%, në rritje nga niveli 6.44% i ankandit të mëparshëm.
Nga 4 miliardë lekë që ishte shuma e shpallur për financim, në ankand u paraqitën kërkesa totale në vlerën e 4.77 miliardë lekëve. Ministria e Financave vendosi të rrisë shumën e kërkesave të pranuar në 4.15 miliardë lekë, duke ndikuar edhe në rritjen e yield-it uniform.
Në ankandet e obligacioneve, yield-i përcaktohet si uniform me yield-in e këkesës më të lartë të pranuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ankandet e obligacioneve më afatgjata, siç janë ato me maturim 10-vjeçar apo 15-vjeçar, janë një alternativë e mirë për investitorët, të mëdhenj apo dhe të vegjël, ku përfshihen dhe individët.
