Kartëmonedhat e reja me Mbretin Charles – Do të emetohen për herë të parë në 5 qershor 2024

Kartëmonedhat e reja të Mbretërisë së Bashkuar me portretin e mbretit Charles III u prezantuan nga Guvernatori i Bankës së Anglisë dhe do të emetohen për herë të parë më 5 qershor 2024. Profili i mbretëreshës së ndjerë Elizabeth II ka qenë një element kryesor i monedhave dhe kartëmonedhave britanike për dekada, por ndryshimi i monarkut do të thotë se paratë e sapo shtypura do të fillojnë të shfaqin fytyrën e mbretit Charles.

Megjithatë paratë me portretin e mbretëreshës do të jenë ende të vlefshme. Monedhat dhe kartëmonedhat e reja do të duken pothuajse identike me ato ekzistuese, me ndryshimin e vetëm që fytyra e mbretit Charles do të zëvendësojë atë të mbretëreshës Elizabeth II.

Kjo do të thotë se 5 paund i ri do të mbetet i gjelbër, 10 paund – portokalli, 20 paund – vjollcë dhe 50 paund – i kuq. Portreti i mbretit Charles do të printohet në njërën anë të çdo kartëmonedhe. Dallimi më i dukshëm, megjithatë, është se ai nuk mban një kurorë, siç ka qenë gjithmonë traditë me monarkët e së kaluarës.

Kartëmonedhat e reja janë bërë nga i njëjti material polimer si përsëritjet e fundit të parave të Mbretëreshës Elizabeth II. Kartëmonedhat dikur ishin prej letre, por polimeri është më i qëndrueshëm, kështu që kartëmonedhat zgjasin shumë më gjatë se paratë tradicionale të letrës.

Paratë me profilin e Mbretëreshës do të mbeten në përdorim pasi, sipas Bankës së Anglisë, kartëmonedhat e reja do të printohen vetëm për të zëvendësuar ato që janë konsumuar dhe për të përmbushur rritjen e përgjithshme të kërkesës për kartëmonedha.

Monedhat e para me portretin e Charles III janë nxjerrë tashmë që nga fundi i vitit 2022. Një total prej 9.6 milionë monedhash të reja do të hidhen fillimisht në qarkullim, ndërsa rreth 27 miliardë monedha janë aktualisht në qarkullim në Mbretërinë e Bashkuar, të cilat mbajnë portretin e të ndjerës Elizabeth II: ato do të mbeten të vlefshme dhe nuk do të zëvendësohen nëse nuk dëmtohen ose konsumohen.