LIGJET E BIZNESIT
Llogaritet në rreth 4.2 miliardë euro shuma që turistët që vizituan Shqipërinë vitin e kaluar kanë shpenzuar. Të dhënat janë publikuar nga Banka e Shqipërisë. Kundrejt vitit 2022, kemi një rritje të shpenzimeve me mbi 1.3 miliardë lekë. Ky është niveli më i lartë i shënuar ndonjëherë.
Ishte e pritshme. Ka shkuar në linjë me shifrën e turistëve. Patëm rekord si në vizitorë, ashtu edhe në ndikim ekonomik. Kjo të paktën bazuar te të dhënat e Bankës së Shqipërisë”, tha ekspertja Flora Xhamani Baba.
Në linjë të ngjashme kanë shkuar edhe shpenzimet e shqiptarëve që preferuan t’i kalonin jashtë pushimet, të cilat arritën në mbi 2.3 miliardë euro. Në raport me 2022-shin, shpenzimet e shqiptarëve për pushime u rritën me 564 milionë euro apo gati 40 për qind.
“Ndikoi rritja e çmimeve. Ku ato rriten, ato mbesin të përballueshme për të huajt, por jo për ne. Gjithashtu shtimi i linjave “loë cost” ka pasur kontributin e vetë në këtë ecuri”, shton ekspertja.
Të dhënat nga Banka Qendrore tregojnë se mesatarisht çdo turist i huaj kanë shpenzuar 398.3 euro për pushime në vend gjatë vitit të shkuar. Nga ana tjetër, çdo shqiptar që i kaloi jashtë pushimet gjatë 2023-shit rezulton të ketë harxhuar 337.6 euro.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Këtë vit duhet të rrisim cilësinë e shërbimit. Jemi ende larg turizmit elitar. Këto nivele shpenzimesh nuk janë asgjë.”
Sipas të dhënave nga Instituti i Statistikave, vitin e shkuar Shqipërinë e vizituan mbi 10.1 milionë të huaj, pjesa më e madhe e tyre nga Kosova, Italia, Maqedonia e Veriut, Greqia, dhe Britania e Madhe.
