Skemat e subvencionit të këtij viti në bujqësi do të fillojnë më datë 27 mars. Është ky afati kur fermerët mund të nisin aplikimet, pasi janë njohur edhe me kriteret. Ndryshe nga aplikimet ndër vite, grupimet në kooperativa këtë vit u ofrojnë mundësi për të qenë fitues fermerëve. Por për ta, kjo pikë e skemave të subvencioneve shihet si e parealizuar.
Për Drejtorin Rajonal Ferdinand Shani këtë vit nuk ka garë kush aplikon i pari fiton dhe i fundit humbet. Fermerët kanë dy mundësi të reja, të hapin numër llogarie në bankë për të marrë lekë dhe jo tollona nafte, si dhe të grupohen më shumë se 4 fermerë për të përfituar mbështetjen.
Grupet e specialistëve në terren po orientojnë fermerët për dokumentacionin e duhur.
