Nga 1 janari i këtij viti, hyri në fuqi ligji për të tatuar 15% nga të ardhurat që influencuesit sigurojnë në rrjetet sociale. Ndërkohë referuar udhëzimit të tatimit mbi të ardhurat, nëse ndikuesi i rrjeteve sociale, i regjistruar si i vetëpunësuar, 80% të të ardhurave bruto i siguron nga 1 klient i vetëm, apo 90 % të të ardhurave bruto nga më pak se 3 klientë, atëherë për qëllime të llogaritjes së detyrimit tatimor mbi të ardhurat neto vjetore/mujore të tij, do të aplikohen normat e tatimit mbi pagën.
Por çfarë do të thotë kjo?
Sipas qëndrës Altax, nëse të ardhurat mujore janë midis kufirit 0-50 mijë lekë, apo 600 mijë lekë bruto në vit, tatimi është 0. NËse të ardhurat mujore janë midis kufirit 50-60 mijë lekë, apo deri në 720 mijë lekë bruto në vit, tatimi mujor është 13% herë.
Por nëse të ardhurat mujore janë midis kufirit 60-200 mijë lekë, tatimi është 13% herë. Ndërkohë nëse të ardhurat mujore janë mbi vlerën 200 mijë lekë, tatimi mujor është 23% e vlerës mbi 200 mijë lekë duke i shtuar dhe vlerën mujore 22.100 lekë.
Llogaritja e detyrimit tatimor do të bëhet nga vetë ndikuesi i rrjeteve sociale që plotëson këto kritere në deklaratën tatimore vjetore të tij. Ndërsa i ndikuesit zakonisht i kërkohet të paraqesë një deklaratë vjetore dhe të paguajnë taksat e vlerësuara si sipas të dhënave të deklaruara.
Por, përpos tatimit mbi të ardhurat, ndikuesit e mediave3 sociale mund të duhet të përmbushin dhe detyrimet e tjera tatimore, siç është dhe Tatimi mbi Vlerën e Shtuar.
Të ardhurat e fituara nga faqet e internetit të mediave sociale mund të konsiderohen sit ë ardhura biznesi. Edhe në këtë rast duhet të kryhet regjistrimi i TVSH nëse tejkalohet qarkullimi I faturuar prej 10 milionë lekësh në vit./ TV Scan
