Ky vit ka nisur me më shumë aksidente rrugore dhe më shumë viktima. Instituti i Statistikave raporton se në janar kanë ndodhur 162 aksidente rrugore nga 84 të tilla në janar të vitit të kaluar. Ndërsa numri i të aksidentuarve (të vrarë dhe të plagosur) rezulton 229 persona.
Aksidentet rrugore, në 84,0 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga të rinjtë e grup-moshës 25-34 vjeç, duke zënë 26,5 % të numrit të aksidenteve gjithsej.
Në muajin Janar 2024, numri më i lartë i aksidenteve rrugore ka ndodhur ditën e Martë me 19,1 %, ndërsa numri më i ulët i aksidenteve ka ndodhur ditën e Premte me 10,5 %.
Në muajin Janar 2024, numri më i lartë i aksidenteve rrugore ka ndodhur gjatë harkut kohor 12:00-14:00 duke zënë 20,4 % të numrit të aksidenteve rrugore gjithsej.
