LIGJET E BIZNESIT
Pas shtrenjtimit “jashtë radhe” në dhjetor, çmimet e paketave të cigareve në vend do të rriten sërish. Kjo për shkak të akcizës së duhanit, një lloj takse që rritet çdo vit. Nga 7 mijë lekë për çdo 1 mijë fije cigare që ishte, çmimi rritet në 7 mijë e 250 lekë.
“Risi është që për herë të parë, këtë vit, hyjnë në akcizë edhe produktet alternative të duhanit. Cigaret elektronike dhe ato me djegie,” shprehet Roland Shuperka, ekspert i kontrollit të cilësisë së duhanit.
Qeveria synon që nëpërmjet rritjes së çmimit të cigareve të ulë konsumin, duke mbrojtur shëndetin. Po a do të bëjnë çmimet më të shtrenjta që shqiptarët të tymosin më pak?
“Nuk ka asnjë ndikim. Të dhënat në vite kanë treguar se me gjithë shtrenjtimin e duhanit, konsumi nuk është ulur. Përkundrazi.”
Nga rritja e akcizës, Ministria e Financave dhe Ekonomisë pret që në buxhetin për vitin e ardhshëm të grumbullohen 750 milionë lekë më tepër. Ndërkohë, për ekspertët e tregut, qeveria duhet të rrisë kontrollin ndaj tregimit informal të duhanit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Dhe kjo është detyruese sepse do të rriten të ardhurat në buxhetin e shtetit me 80 deri në 100 milionë euro çdo vit”.
Deri në fundin e tetorit të vitit të shkuar, në vend hynë 2 mijë e 665 ton duhan, niveli më i lartë i shënuar ndonjëherë./A2 CNN
