Prodhuesit dhe Kultivuesit e Bimëvë Mjekësore japin alarmin: Fonde direkte për fermerin, mbajnë 4 mijë familje

Kultivuesit e bimëve mjekësore një ndër zërat kryesorë të eksporteve bujqësore shqiptare kanë dhënë alarmin për situatën e vështirë në të cilën ndodhet kjo industri. Xhevit Hysenaj, përfaqësues i Shoqatës së Kultivuesve, Përpunuesve të Bimëve Aromatike Mjekësore Shqiptare ka deklaruar se fermerët nuk kanë fonde për të vijuar prodhimin. Kjo për shkak të abuzimeve dhe korrupsionit me subvencionet në bujqësi.

“Fermat nuk prodhojnë online, ato nuk ngopen me rrjetet sociale. Prodhimet bujqësore në fushë nuk rriten në facebook, as në instagram. Çfarë po ndodh me fermerët e vërtetë, ku vetëm në industrinë tonë mbahen 4000 familje. Ku fermeri punon, prodhon, administron dhe tregton në menyrën ligjore dhe mbeshtetjen e ka zero! Ky fermer me NIPT, që punon me fatura fiskale pikërisht ky fermer bëhet viktime e abuzuesve, atyre që për fat të keq, kanë kopsitur letrat mbase edhe fallso me certefikata pronësie, me kontrata noteriale, miqësi, rryshfete e pelivanllëqe futin paratë në xhep. Kjo është e pa drejtë dhe nuk duhet lejuar”. ka deklaruar Hysenaj.

Shoqata e Bimëve Aromatike Mjekësore i ka paraqitur dy kërkesa qeverisë shqiptare. Sipas sipëmarësve në këtë industri, këto masa duhen që kjo situatë, jo vetëm të kalojë vështirësinë ku ndodhet, por të rikthehet në kapacitet eksportuese të para 40 viteve. “Subvencionet, cilat do qofshin ato, të kalohen direkt në llogarinë e fermerëve, sapo ata të marrin faturen fiskale të dorëzimit të produktit bujqesor të tyre në fabrikat e perpunimit. Kjo rrugë shmang abuzimin, shkon shpërblimi tek fermeri, por edhe formalizon industrinë përpunuese të agro-biznesit. Me realizimin e kësaj, zgjidhet kjo situatë. Kërkon vetëm vullnet dhe aspak buxhet të shtuar nga ana e qeverisë, por manaxhim të mirë të këtij buxheti.

Dhe e dyta: Një auditim për të gjitha ato kompani, të cilat kanë qenë përfituese të programeve të ndryshme të subvencionimit, të kontrollohen nga tatimet. Në rast se ato nuk kanë rrezultuar transparente dhe efektive, të merren masa konkrete dhe të mos mbështeten më. Ndërsa ato që kanë kthyer investimin, të vlerësohen e mbështeten së bashku me fermerët paralel. Kjo do të rriste konkurrencën e ndershme dhe do t’i vinte fre korrupsionit”, ka deklaruar Hysenaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern