LIGJET E BIZNESIT
Nafta e ka nisur me rënie javën, ndërsa tregjet janë ende të pastabilizuar nga rikthimi i tensioneve gjeopolitike në Lindjen e Mesme, duke nxitur shqetësime për furnizimin e tregut nga ky rajon.
Por, paqartësitë mbi shkurtimet vullnetare të prodhimit nga vendet e OPEC+ dhe ngadalësimi i kërkesës globale kanë zbehur tensionet gjeopolitike. Rënia e sotme i shtohet humbjeve prej mbi 2% të javës së kaluar.
Nafta Brent e Londrës po tregtohet në rreth 78 dollarë për fuçi, ndërsa nafta Bruto amerikane po tregtohet në mbi 73 dollarë për fuçi. Shkurtimet e prodhimit nga vendet e OPEC+ ishin të natyrës vullnetare, duke ngritur dyshime nëse prodhuesit do t’i zbatonin plotësisht këto angazhime. Investitorët janë gjithashtu të pasigurt se si do të maten këto shkurtime. Aktiviteti i ngadaltë në prodhimin global po ndikon në rënien e çmimeve.
Të dhënat e fundit nënkuptojnë erëra të forta ekonomike, që përforcojnë shqetësimet mbi rritjen e kërkesës për naftë. Megjithatë, humbjet po kufizohen nga rritja e tensioneve në Lindjen e Mesme. Izraeli ka rifilluar sulmet në Gaza, kundër militantëve të Hamasit, ndërsa ushtria amerikane njoftoi të dielën se 3 anije tregtare u sulmuan në ujërat ndërkombëtare të Detit të Kuq. Grupi Houthi që operon në Jemen mori përsipër sulmet me dronë dhe raketa ndaj dy anijeve izraelite.
Ndër zhvillimet e tjera, vendet perëndimore kanë shtuar përpjekjet për të zbatuar kufirin e çmimit prej 60 dollarë për fuçi për naftën ruse, i vendosur për të ndëshkuar Moskën në luftën e saj në Ukrainë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu, Shtëpia e Bardhë tha të premten do të “ngrinte” në ditët në vijim lehtësimin e sanksioneve ndaj Venezuelës, që është anëtare e OPEC, nëse nuk ka përparim të mëtejshëm në lirimin e të burgosurve politikë dhe amerikanëve “të arrestuar gabimisht”.
