2023-ta viti i lekut! Euro e mbyll me gati 11 lekë më pak kundrejt monedhës shqiptare

Viti 2023 po mbyllet me zhvlerësimin e fortë të euros kundrejt monedhës kombëtare, lekut. Sipas kursit zyrtar të këmbimit të Bankës së Shqipërisë, i fundit që publikohet për këtë vit, euro është në nivelin 103.8 lekë. Ndërkohë që në të njëjtën periudhë të një viti më parë, këmbehej me 114.2 lekë, duke pësuar një rënie prej gati 9%.

Tendencë në rënie ka shënuar edhe kursi me shumicën e valutave të tjera kryesore.

Kursi i Dollarit Amerikan me Lekun e mbylli vitin në nivelin e 93.94 lekëve, në rënie me 12.2% krahasuar me fundin e vitit të kaluar.

Kursi i Paundit Britanuik me Lekun e ka mbyllur vitin në vlerën e 119.47 lekëve, në rënie me 7.3% krahasuar me fundin e vitit të kaluar. Franga Zvicerane e mbylli vitin në vlerën e 112.1 lekëve, në rënie me 3.5% krahasuar me një vit.