LIGJET E BIZNESIT
Shqiptarët po përdorin gjithmonë e më shumë kartat bankare në aktivitetin e tyre të përditshëm. Të dhënat e fundit nga Banka e Shqipërisë tregojnë se në tremujorin e tretë të këtij viti, vlera totale e pagesave më kartë për këtë tremujor arriti në 16.8 miliardë lekë, duke shënuar një rritje prej 16.7% kundrejt tremujorit të dytë.
Për të gjithë 9-mujorin 2023, vlera totale e pagesave me kartë arriti në 45.1 miliardë lekë, në rritje me 26.7% krahasuar me të njëjtën periudhë të një viti më parë. Në këtë periudhë, numri total i pagesave me kartë arriti në 10.2 milionë, ndërkohë që për të gjithë vitin e kaluar numri i këtyre pagesave kishte qenë afërsisht 10.7 milionë.
Ndikim në rritjen e përdorimit të kartave bankare mendohet se ka dhënë turizmi dhe kryesisht rritja e ndjeshme e turistëve të huaj, të cilët në praktikën e tyre të përditshme e përdorin shumë pak cash-in dhe thuajse të gjitha veprimet i kryejnë me kartë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
