Kur punonjësit bëjnë më shumë gabime në punë?

Produktiviteti dhe saktësia e punonjësve ulen gjatë pasdites, sipas një studimi të publikuar së fundmi në revistën shkencore Plos One.

Studiuesit, analizuan pothuajse 800 punonjës në zyrë, jo në distancë, për dy vjet.

Ndryshe nga studimet e tjera, që analizojnë produktivitetin e punonjësve, ky nuk mbështetet në vetëvlerësimet ose reagimet e menaxherëve.

Në vend të kësaj, studiuesit gjurmuan metrikat e përdorimit të kompjuterit, si shpejtësia e shtypjes, aktiviteti i mouse-it dhe gabimet drejtshkrimore.

Pasditet prireshin të ishin koha, kur bëheshin shumica e gabimeve në shkrim. Dhe konkretisht pasditet e së premtes, ka pasur ulje të aktivitetit kompjuterik dhe rritje të gabimeve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Kjo përputhet me gjetjet e ngjashme, që numri i detyrave, që punonjësit kryejnë, rritet vazhdimisht nga e hëna në të mërkurën, më pas zvogëlohet të enjten dhe të premten,” tha Taehyun Roh, bashkëautor i studimit dhe asistent profesor në Universitetin A&M të Teksasit.

Autorët e studimit, thonë se ky studim shton provat në rritje, se vendet e punës duhet të lejojnë më shumë fleksibilitet.

Shumica e punonjësve, tregojnë anketat, do ta mirëprisnin këtë ndryshim.

Shumica e punonjësve, 61%, thonë se më mirë do të punonin një javë pune të ngjeshur dhe 33% thonë se do ta linin punën, nëse i ofrohej një punë tjetër me një javë të shkurtuar, sipas një sondazhi të Monster.

Puna fleksibël, puna hibride ose një javë pune katër-ditore, mund të ndihmojnë në zbutjen e efekteve negative të javëve të gjata të punës.

Gjithashtu, mund të rritin mirëqenien dhe produktivitetin më të mirë për punonjësit.

“Për shembull, punëdhënësit mund të jenë më të hapur, për t’i lejuar punonjësit të punojnë nga shtëpia të premteve, ose të zbatojnë javë të shkurtra pune me të premten pushim.” / CNBC