LIGJET E BIZNESIT
Interesat e bonove të thesarit me afat maturimi 6 mujor kanë zbritur në 1.5%, niveli më i ulët që prej marsit të vitit të kaluar. Ky yield është sa gjysma e normës bazë të interesit, cka bën që ky të jetë një zhvillim i paprecedentë. Në ankandin e mëparshëm, të zhvilluar në fund të muajt maj, yield-i mesatar i ponderuar i bonove 6-mujore ishte 3.18%.
Në ankandin e fundit, shuma e shpallur për financim ishte 1 miliard lekë, por të cilat 450 milionë lekë ishin të rezervuara nga Banka e Shqipërisë, ndërsa kërkesat totale në ankand arritën në 2.06 miliardë lekë.
Në përfundim të ankandit, Ministria e Financave dhe Ekonomisë pranoi një ofertë të vetme konkurruese në vlerën e afërsisht 403 milionë lekëve, me një yield prej 1.5%.
Pjesa e mbetur, prej 597 milionë lekësh, u plotësua nga kërkesat jokonkurruese, duke përfshirë këtu shumën e rezervuar për Bankën e Shqipërisë.
Ky është niveli më i ulët që yield-i i këtyre instrumenteve shënon që prej marsit të vitit të kaluar. Por, në atë periudhë kushtet monetare ishin krejt të ndryshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Banka e Shqipërisë nuk e kishte nisur ende procesin e normalizimit monetar dhe norma bazë e interesit ishte ende në nivelin më të ulët historik prej 0.5%.
Aktualisht, norma bazë e interesit është në nivelin 3%, ndërsa norma e depozitave ditore të Bankës së Shqipërisë është 2%. Rrjedhimisht, për një bankë investimi me një yield prej 1.5% nuk ka shumë kuptim.
Nga ana tjetër, ekspertët pohojnë se një investim i tillë nuk ka shumë kuptim as për një investitor tjetër institucional apo individual. Në treg sot ka banka që ofrojnë norma interesi edhe më të larta se 1.5% për depozitat 6-mujore në shuma të mëdha.
Ekspertët e tregut financiar shprehen se një yield i tillë përfaqëson një anomali dhe është tregues i faktit se tregu financiar në Shqipëri është sipërfaqësor dhe shpesh nuk ndjek një logjikë normale.
