LIGJET E BIZNESIT
Sipas ekspertëve shëndetësorë, nëse niveli i stresit nuk menaxhohet mirë, trupi juaj mund të fillojë të ketë disa shenja që nuk duhet t’i injoroni.
Stresi ka qenë prej kohësh i lidhur me shumë sëmundje të zakonshme të lëkurës dhe mund të jetë edhe shkaku i shfaqjes së tyre ose një përkeqësues.
Kjo gjendje prek njerëzit në mënyra të ndryshme, por simptomat afatshkurtra mund të përfshijnë nervozizëm dhe lodhje dhe mund të keni më pak dëshirë të ngriheni dhe të bëni gjëra.
Për shumë prej nesh, puna është një burim stresi. Por puna nuk shkakton vetëm stres të keq: disa nga simptomat e stresit në të vërtetë mund të shfaqen në vendin e punës, duke ndikuar në aftësinë tuaj për të bërë punën tuaj. Quajeni atë një cikël stresi. Ne mblodhëm disa shenja klasike stresi që mund të përjetoni gjatë punës. Disa nga këto janë delikate, ose normalisht nuk mund të shoqërohen me stres. Por nëse i përjetoni këto simptoma vazhdimisht, mund të keni një stres në nivel më të madh.
Jeni duke harruar detyrat – Stresi mund ta bëjë të vështirë ruajtjen e informacionit të ri dhe marrjen e informacionit të vjetër – me fjalë të tjera, ju mund të harroni gjërat. Shkarkimi fizik i listës suaj të detyrave mund të ndihmojë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Irritoheni për gjërat më të vogla – Nëse keni vënë re që edhe gjerat më të vogla të parëndësishme ju irritojnë atëherë arsyeja mund të jetë stresi. Stresi dhe ankthi, vendos emocionet tuaja në skajin e kontrollit. Gjërat e vogla që nuk do t’ju mërzisnin normalisht mund të shkaktojnë shumë irritim në rastet kur jeni të stresuar.
Sëmureni më shpesh – Nëse po përjetoni nivele të larta stresi, atëherë edhe imuniteti juaj bie dukshëm duke u rrezikuar më shumë nga sëmundje të ndryshme. Stresi mund të ndikojë në trupin tuaj, nga problemet gastrointestinale deri në presionin e lartë të gjakut dhe ndjeshmërinë ndaj viruseve dhe baktereve.
Keni probleme në komunikimin me kolegët tuaj në punë – Stresi mund të zvogëlojë gjumin tuaj, gjë që mund të rrisë nivelin e nervozizmit tuaj dhe sasinë e durimit, mund të shkaktojë ndjenja izolimi, kjo mund të zvogëlojë aftësinë tuaj për të ndjerë shenja sociale. Nëse jeni ndier sikur po dëmtoni marrëdhëniet tuaja ndër njerëzore në punë, kjo mund të jetë arsyeja pse.
Bëhet më e vështirë marrja e vendimeve – Në një situatë ku ndjeheni të mbërthyer nga presioni i stresit ju mund ta keni shumë të vështirë edhe te ndërmerrni hapa të rëndësishme drejt rritjes suaj profesionale apo të mos ndiheni të kthjellët për të marrë vendime.
