LIGJET E BIZNESIT
Zhvlerësimi i fortë i euros në tregun tonë të këmbimit ka ndikuar në vendimet që po marrin agjentët ekonomikë. Të dhënat e fundit të Bankës së Shqipërisë tregojnë se qytetarët po marrin kredi për blerje banesash në monedhën vendase, teksa huaja në euro për këtë qëllim ka pësuar rënie të ndjeshme.
Ndërkohë që përpara rënies së fortë të euros, ka qenë krejt e kundërta. Kreditë për shtëpi merren në mbi 90% të rasteve në monedhën europiane.
Sipas të dhënave zyrtare të Bankës së Shqipërisë, kredia për ekonominë rezulton në total 713.2 miliardë lekë në muajin qershor, nga 712,6 miliardë në maj. Krahasuar me gjysmën e parë të vitit të shkuar, kredia për ekonominë rezulton në rritje me 1.57%.
Statsitkat zyrtare tregojnë se kredia hipotekore e individëve në euro ajo që ka shënuar rënie të dukshme. Nga 74.5 miliardë lekë në muajin maj, totali i kredive për blerje banesash ka rënë në 72.9 miliardë në qershor. E kundërta ka ndodhur me kredinë hipotekore në lekë, e cila kishte shënuar ecuri modeste muajt e fundit. Nga 97.3 miliardë lekë në maj, ajo ka kërcyer në 99.4 miliardë lekë në fund të qershorit.
Luhatjet e forta në tregun e këmbimit, reflektuar tek zhvlerësimi i euros duket se kaë rritur besimin e qytetarëve tek biznesi tek monedha vendase, që po përzgjidhet edhe për investime afatgjata, sic është blerja e një shtëpie.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
