Shtohen borxhlinjtë e tatimeve, 3.600 biznese më shumë në tre muaj

Këtë vit, listës së borxhlinjve të tatimeve i janë shtuar emra të rinj. Sipas të dhënave nga Drejtoria e përgjithshme e Tatimeve, numri i bizneseve me borxh tatimor arriti në fund të marsit në 31.610 subjekte, duke shënuar një rritje prej 3.600 biznesesh kundrejt fundit të 2022-it, ekuivalent me 12.8 për qind.

Sipas ekspertëve kontabël, dy janë vështirësitë kryesore. E para, rritja e kostos së punës dhe e dyta zhvlerësimi i euros. “Rënia e kursit të këmbimit ul të ardhurat e tyre. Në momentin që bien të ardhurat ai do përpiqet të uli kostot. Dhe si ulen kostot. Një nga format është duke mos paguar sigurimet”, shpjegojnë ekspertët.

Në përpjekje për të ulur shpenzimet, disa biznese që kryesisht aktivitetin e tyre e kanë të lidhur me eksportet po eksplorojnë forma të reja për t’iu shmangur detyrimeve tatimore. Vetëm pak ditë më parë Administrata Tatimore zbuloi një skemë ku shoqëri, që operojnë në sektorin fason, hapin dhe mbyllin NIPT-e, transferojnë aktivitetin nga një emër në tjetrin me qëllim shmangien e detyrimeve tatimore dhe mospagesën e sigurimeve shoqërore ndaj punëmarrësve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern