Shqiptarët i përdorin kartat bankare për të për të paguar faturat ose për të blerë ushqime në supermarket. Të dhënat nga Banka e Shqipërisë tregojnë se në total, gjatë 4 muajve të parë të vitit u kryen më shumë se 11 milionë transaksione me karta. Por pjesa më e madhe, gati 7 milionë ishin tërheqje parash nga banka. Ndërkohë që rreth 4 milionë ishin transaksionet me karta bankare.
“Lajmi më i mirë është fakti që shqiptarët kanë filluar të vlerësojnë kohën edhe përdorimin në mënyrë sa më eficente të kohës së tyre. Kjo përkthehet në më shumë produkte digjitale të pagesave, që kanë ekzistuar prej vitesh”, shprehet Bora Feri, eksperte e sistemit të pagesave.
Banka Botërore dhe Fondi Monetar ndërkombëtar në disa raporte e kanë këshilluar qeverinë dhe Bankën e Shqipërisë të nxisë përdorimin e pagesave me kartë, si një mënyrë për të kuruar disa nga problematikat që ka ekonomia shqiptare.
Së pari ndihmon në luftën ndaj informalitetit. Vendos një barazi midis tregtimit “cash”, të cilët shpesh abuzojnë dhe atyre që janë të rregullt dhe transparentë”, shprehet ekspertja Feri.
Me gjithë rritjen, Shqipëria vijon të jetë e prapambetur në drejtim të pagesave me kartë bankare nëse e krahasojmë me vendet e në Evropë apo edhe Rajonit. Ndaj ekspertë të sistemit të pagesave këshillojnë ofrimin e stimujve për qytetarët për të nxitur pagesat me kartë.
