Pjesëmarrja e ulët në zgjedhje, ndikoi emigracioni. Qytetet që votuan më pak

Zgjedhjet vendore të 14 majit u karakterizuan nga një nivel shumë i ulët i pjesëmarjes. Sipas të dhënave të Komisionit Qendror të Zgjedhjeve, pjesëmarrja në rang vendi ishte 37.79%. Por si është paraqitur pjesëmarrja e votuesve në qytete?

Së pari në kryeqytet pjesëmarrja në votime ka arritur në 42.71%. Tre bashkitë që kaë pasur pjesë marrjen më të lartë në votime është bashkia e Fushë-Arrëzit me 53.20%, Kukësit me 52.71%, Libohovës me 50.77%.

Por nga ana tjetër bashkitë me pjesëmarrjen më të ulët në votime kanë rezultuar të jenë bashkia e Finiqit me 18.32%, Dropulli me 24.73% dhe ajo e Vlorës me 24.94%.

Që nga vitet 2000, përqindja e pjesëmarrjes në zgjedhjet vendore ishte luhatur midis 45-50%, ndërsa në zgjedhjet qendrore ka qenë pak më e lartë, duke e kaluar edhe nivelin e 50%.

Emigrimi i lartë i cili shënoi një rigjallërim vitet e fundit, sidomos në vitin 2022, vlerësohet të jetë një nga faktorët kryesorë që ka ndikuar në këtë pjesëmarrje të ulët në zgjedhje.

Sipas të dhënave të Kombeve të Bashkuara, popullsia mbi 18 vjeç, që vlerësohet se jeton në Shqipëri (censi i fundit i përket vitit 2011), ishte 2.23 milionë banorë deri në fund të vitit 2021.